വിധി

വിധിയെന്നു കേട്ടാൽ,മറുചോദ്യശരങ്ങളുയർത്തുന്നു മനസ്സ്‌..

ഈശ്വരനിശ്‌ചയമൊ,അതൊ ഈശ്വരനെ പഴിക്കുന്നതൊ?

ദു:ഖമൊ,ദു:ഖസത്യങ്ങളൊ..?

നഷ്‌ടങ്ങളൊ,നഷ്ടപ്പെടലിൻ വേദനയോ??

മരണമോ,മരിക്കാൻ കഴിയാത്തതോ?

തോല്‌വിയോ,നിസ്സഹായത തൻ അപരനാമമോ?

കർമ്മമോ,കർമ്മഫലങ്ങളോ?

വിധിതൻ വിളയാട്ടം,വിധിയുടെ ക്രൂരതയെന്നു-

പതംപറഞ്ഞു നിരത്തും പഴമ്പുരാണങ്ങളോ?!

അറിയാം എനിക്കൊന്നുമാത്രം...

ദു:ഖം ചാട്ടൂളിപോൽ...ഹൃദയത്തിലാഴ്‌ന്നിറങ്ങി...

ഹൃദയം പിടയുമ്പോൾ........

കരഞ്ഞു കണ്ണീർ വറ്റി മരുഭൂമിസമാനമായിതീർന്ന കണ്ണുകൾക്ക്‌....

ഒരാശ്വാസ വാക്ക്‌ മാത്രം വിധി!!!!

നൽകാത്തതെന്തേ സുഖത്തിനു വിധിയെന്ന പേര്‌......?